yawropa ittipaqi komitéti sel apitige qarshi yardem berdi

türkiye awazi radiyosi xewiri: yawropa ittipaqi komitéti bosniye – gértségowina bilen sérbiyege 65 milyon yawroluq qoshumche maliye jehettin yardem qilish qarari aldi.

komitét teripidin élan qilinghan bayanatta, bosniye – gértségowina we sérbiyege bérish qarar qilinghan qoshumche maliye yardimining 3 milyon yawroluq qisimning, ikki dölettiki qiyinchiliqta qalghan kishilerge, yeni yémek – ichmek, salametlik, sehiye, turidighan jay qatarliq jiddiy éhtiyajlarning qandurulushi üchün bérilidighanliqi eskertildi.

bayanatta, qalghan 62 milyon yawroning selning tesirige uchrighan rayonlarning qisqa we uzun mezgil ichide qaytidin qurulushi üchün ishlitilidighanliqi qeyt qilindi.

bayanatta yene, yawropa ittipaqining 2014 – 2020 – yilliq mezgili üchünmu maliye yardimining dawamlishidighanliqi bildürüldi.