bosna hersek eng chong palaketni bashtin kechürmekte

türkiye awazi radiyosi xewiri: bosna hersek mushu esirdin buyanqi eng chong palaketni bashtin kechürmekte.
1 milyondin artuq kishi öy - makansiz qalghan sel apitining éghir zerbisige insanperwerlik yardem bérish meqsitide marmara sheherlik hökümetler birliki heriketke ötti.
melumatlargha qarighanda, birlik, rayonluq sheherlik hökümetlerning insanperwerlik yardemlerni yighip, bosna hersekke yetküzidiken.
marmara sheherlik hökümetler birliki, insanperwerlik yardem eshyalirini mushu esirdin buyanqi ng chong palaketni bashtin kechürüwatqan bosna hersekke yetküzüp bérish mesiliside jiddiy yighin chaqirdi.
birlikning chaqiriqigha asasen istanbulda bir yerge jem bolghan bursa, kojaeli, sakarya, balikesir, tekirdagh sheherlik hökümetning bashliqliri bilen istanbulning herqaysi nayielirining mesulliri bu heqte muzakire élip bardi.
jiddiy éhtiyajliq insanperwerlik yardem eshyaliri qachilanghan ikki yük mashinisi sel apitining éghir zerbisige uchrighan bosna hersektiki 12 sheherge qarap yolgha chiqti.
igilinishiche, insanperwerlik yardem eshyaliri yataq, ediyal we safa kariwatlirini öz ichige alidiken.