türkiyelik soda - sanaetchiler afriqining munbet tupraqlirini 99

türkiye awazi radiyosi xewiri: türkiye awazi radiyosi xewiri: türkiyelik soda - sanaetchiler afriqining munbet tupraqlirini 99 yilliq ijarige aldi.
türkiye tarixida tunji qétim döletlik we xususiy karxanilarning hemkarliqi astida sudandin 99 yilliq térilghu yerni ijarige aldi.
bu heqte tüzülgen kélishim arqiliq sudanda 780 ming géktarliq yerde türkiyelik karxanichilar subtropik belbagh méwiliridin sirt yene, köpligen mehsulatlarni yétishtüridu.
shuning bilen ananas, mangu, awakado, pépino, kanola, paxta we yaghliq dan qatarliq mehsulatlar türkiyege erzan bahada kirishke bashlaydu.
sudanning tupraqlirining nahayiti munbet ikenlikini eskertken türkiyening sudan bash elchisi osman eldirdieri, bu yerde yétishtürülidighan mehsulatlarning qandaq ishlitilidighanliqini tonushturush üchün türkiyede bolidighanliqini éytti.
buningdin bashqa yene, türkiyening bu yerde yétishtürülgen muhsulatlarning import ishlirini yawropa döletliri bilenmu ishqa ashuralaydighanliqini eskertken bash elchi, sudanningmu bu layihedin pul - muamile jehettin paydigha érishidighanliqini qeyt qildi.
melumatlargha qarighanda, deslepki qedemde 12 ming 500 géktarliq yerde sinaq déhqanchiliq meydani berpa qilinidiken.
déhqanchiliq meydanida ishleydighan sudanliqlar yéza igilik we charwichiliq saheside terbiyelep chiqilidiken.
yéza igilik we charwichiliqtin sirt yene béliqchiliq ishliridimu hemkarliq ornitilidiken.
ikki döletning merkez bankiliri ara tüzülidighan kélishim arqiliq pul siyasitining yolgha qoyulushi nishan qilinghan qedemlermu tashlinidiken.
igilinishiche, afriqida yétishtürülidighan mehsulatlarning yawropadin bashqa ottura sherq we afriqa bazarlirighimu sélinishi pilanlanmaqta.