yawropa sélinma bankisi marmaray layihesi üchün 200 milyon yawro

türkiye awazi radiyosi xewiri: yawropa sélinma bankisi, yawropa we asiya liniyesining boghazichini késip ötidighan tunji tömür yoli liniyesi bolghan marmaray layihesi üchün yene 200 milyon yawro kirédit chiqim qilidu.
bu heqtiki kélishim tünügün enqerede resmiy murasim arqiliq imzalandi.
kélishimni türkiyege wekaliten xezine ishliri meslihetchisi ibrahim chanaqchi imzalidi.
yawropa sélinma bankisining türkiye ishlirigha mesul muawin diréktori pim wan balékom, yawropa bilen asiyani bir - birige tutashturidighan bu layiheni qollash meqsitide hasil qilinghan bu kélishimni imzalashtin özini tolimu bextlik hés qilidighanliqini éytti.
shuning bilen, yawropa sélinma bankisining marmaray layihesige ajratqan kiréditi 1.25 milyard yawrogha yetken boldi.
layihe, pan yawropa qatnash karidori (IV) 4 ke jaylashqan we nöwette istanbul boghuzining ikki qirghiqida bir - biridin ayrilidighan ikki tömür yoli liniyesini bir tonélgha tutashturidu.
layihe yene, enqere bilen istanbul otturisida xizmetke kirishtürülüshi pilanliniwatqan yuqiri süretlik tömür yoli liniyesi bilenmu birlishidu.