erdoghan bilen eliyéw rayonluq we xelqaraliq mesililer heqqide muzakire élip bardi

türkiye awazi radiyosi xewiri: türkiye jumhuriyiti jumhur reislik mehkimisi uchur – alaqe ishliri idarisining bayanatigha qarighanda, jumhur reis rejep tayyip erdoghan bilen ezerbeyjan pirézidénti ilham eliyéw tünügün jumhur reislik mehkimiside bir yerge jem bolghan.

jumhur reis erdoghan uchrishishta, türkiyening qarabaghdiki rusiye tinchliq qismining rayondin ayrilishi bilen  munasiwetlik basquchni közitiwatqanliqini, erméniyening ishghaliyitidin azad qilinghan ezerbeyjan zéminliridiki qurulush we qayta qurush paaliyetliridin intayin xushal ikenlikini qeyt qilghan.

israiliyening ghezzeni öz ichige alghan pelestin zéminlirida irqiy qirghinchiliq yürgüzüwatqanliqini, israiliyening bu jinayetleiri bilen peqet rayon bixeterlikigila emes, yer shari xaraktérlik bixeterlikkimu tehdit shekillendürüwatqanliqini tekitligen jumhur reis erdoghan, kirizisni üzül - késil hel qilishning birdinbirdin charesining paytext quddus bolghan pelestin dölitining qurulushi ikenlikini, buning üchün xelqara jemiyetning israiliyege bésim ishlitishining muhimliqini bayan qilghan.

erdoghan ezerbeyjan milliy mejlisi (parlaménti) ning shimaliy qibris türk jumhuriyiti bilen parlaméntlar ara dostluq guruppasi qurush toghruluq qarar chiqirishining tolimu xushallinarliq ehwal ikenlikini eskertken, shundaqla iyul éyida shushada chaqirilidighan türk döletliri teshkilati bashliqlar yighinigha shimaliy qibris türk jumhuriyiti jumhur reisi ersin tatarning teklip qilinishining qibris dewasigha töhpe qoshidighanliqinimu sözlirige ilawe qilghan.

ezerbeyjanda ötküzülidighan kilimat özgirishi bashliqlar yighinigha teklip qilghanliqi üchün eliyéwgha rehmet éytqan erdoghan, türkiyening teyyarliq jeryanida her xil yardemlerni qilidighanliqini bayan qilghan.

jumhur reis erdoghan bashliqlar yighinida, repiqesi emine erdoghanning himayiside élip bériliwatqan «nöl tashlanduq layihesi» dairiside muhim paaliyetlerning ötküzülidighanliqini tekitligen.