türkiye xewpsizlik kéngishining «ghezze qarari» toghrisida bayanat élan qildi

türkiye awazi radiyosi xewiri: türkiye jumhuriyiti tashqi ishlar ministirliqi <qararning urush toxtitish yolida tashlanghan muhim bir qedem ikenliki> toghrisida yazma bayanat élan qilip: «biz birleshken döletler teshkilati xewpsizlik kéngishining ghezzede urush toxtitishni mezmun qilghan 10-iyundiki 2735-nomurluq qararigha <ghezzediki qirghinchiliqni axirlashturush nuqtisidin muhim bir qedem> dep qaraymiz» dédi.

hamasning urush toxtitish pilanigha tutqan «berpachi we ijabiy» pozitsiyening qarshi élinghanliqigha isharet qilinghan bayanatta: «israiliyening menggülük urush toxtitishqa boysunidighanliqigha ehde qilishi we bu qararning barliq amillirini toluq ijra qilishi zörür. türkiye urushning üzül-késil toxtishini, israiliyening ghezzening barliq jayliridin chékinishini, görüge élinghanlar bilen esirlerning özara qoyup bérilishini, sergerdan pelestinliklerning ghezzege qaytip kélishini, yéterlik derijide insanperwerlik yardemlirining üzlüksiz yetküzüp bérilishini we ghezzening qayta qurulushigha paydiliq qedemlerni qollashni dawamlashturidu» dégen ibarilerge orun bérildi.

birleshken döletler teshkilati (b d t) xewpsizlik kéngishi amérika pirézidénti jo baydin élan qilghan, birinchi basquchi ghezzede derhal urush toxtitishni mezmun qilghan üch basquchluq qarar layihesini qobul qilghanidi.

15 ezaliq b d t xewpsizlik kéngishidiki bélet tashlashta, amérika sunghan qarar layihesige 14 eza qollap bélet tashlighan, rusiye bolsa, bélet tashlashtin yaltayghanidi.