istanbulda ressamlar israiliyening irqiy qizghinchiligha qarshi senetkarlar paaliyiti ötküzdi

türkiye awazi radiyosi xewiri: aya sofiyaiy kebir jami aldidiki meydanda ötküzülgen paaliyette, senetkarlar ghezzediki zulumgha chotkiliri bilen naraziliq bildürdi.

senetning küchi bilen zulumgha qarshi sada yangritish we ghezzediki irqiy qirghinchiliqqa hemmining diqqitini tartish üchün élip bérilghan bu paaliyette yash we usta ressamlarning pelestin témisidiki resimliri shundaqla shéhit bolghan bowaqlarning qanliq kiyimliri we oyunchuqlirigha wekillik qilidighan esliheler körgezme qilindi.

resim sizishtin bashqa yene, hösnxet, yorutush, mermer tash seniti, fotografchiliq we muzika qatarliq senet tarmaqliridiki senetkarlarmu paaliyetke qatnashti. balilar üchün «boyaqliringlarni élip kélinglar» témiliq resim siizish paaliyiti ötküzüldi.

kün boyi türlük paaliyetler bilen dawam qilghan programmigha senetkarlar we senet heweskarliridin bashqa yene, nurghun puqralar we sayahetchilermu ishtirak qildi.