erdoghan: téximu tengpung dunya tertipi ornitish üchün küresh qilishimiz kérek
dölitimiz (türkiye jumhuriyiti) jumhur reisi rejep tayyip erdoghan téximu tengpung dunya tertipi ornitish üchün mürini mürige tirep küresh qilish kéreklikini éytti.
türkiye awazi radiyosi xewiri: jumhur reis rejep tayyip erdoghan istanbuldiki «lütfi qirdar xelqara qurultay we körgezme merkizide ötküzülgen albaraka islamiy pul - muamile bashliqlar yighinida qilghan sözide, yéqinqi yillardin buyan dunyaning üzlüksiz özgirish jeryanini bashtin kechürüwatqanliqini tekitlep mundaq dédi:
«ikkinchi dunya urushidin kéyin qurulghan iqtisadiy, herbiy we siyasiy tüzümning asasi her bir yéngi özgirishning aldida téximu qattiq tewriniwatidu. shuni nahayiti éniq körüshimiz kérekki, dunya tertipining tengpungluqi yoqaldi, hemme yaqni éniqsizliq qaplap ketti, muqimsizliq we malimanchiliq dunyaning asasliq renggige aylandi. ‹kowid – 19› yuqumi keltürüp chiqarghan weyranchiliqlar téxi axirlashmay turupla, rusiye-ukraina urushi partlidi, arqidinla 7-öktebir ghezze krizisi yüz berdi.»
israiliyening ghezzede sekkiz aygha yéqin waqit ichide pütkül insaniyetning köz aldida yürgüzgen ammiwi qetliamlarning dunya tertipining ajizliqini namayen qilip, mewjut xelqaraliq organlargha bolghan ishenchni tewritiwetkenlikini eskertken jumhur reis erdoghan, mundaq dep körsetti:
«birleshken döletler teshkilati xewpsizlik kéngishini öz ichige alghan dunya tertipini qoghdash mesuliyiti bar organlarning qurulmisining adalet hem muqimliqtin tolimu yiraq ikenliki yene bir qétim otturigha chiqti. éniq qilip éytqanda, hazir dunyada mezlumlarni qoghdaydighan, zalimlargha <toxtap tur> déyeleydighan, zulumning aldini alidighan héchqandaq bir resmiy organ yoqtur. chünki uzun yillardin buyan bizge xelqaraliq bixeterlikning kapaletchisi ikenliki tekitliniwatqan xelqaraliq teshkilatlar nöwette tolimu natiwan halette turmaqta.»
erdoghan türkiyening uzundin buyan bu mesilini otturigha qoyup kéliwatqanliqini eskertip mundaq dédi:
«uzundin buyan, dunya tertipining bügünki réalliq asasida bashtin – axir qayta ornitilishi kéreklikini otturigha qoyup kéliwatimiz. bizning <dunya beshtinmu chong> éniqlimimiz dunya tertipini özgertishning jiddiy éhtiyajini körsitip bermekte. rusiye-ukraina urushi we ghezze qirghinchiliqi bilen bu muqerrer bolup qaldi. shu heqiqetni chongqur chüshinip yétish we qobul qilishqa mejburmizki, dunya nahayiti chong bir yéza – kentke aylanghan bügünki künde, dölet chégraliri we musapiler bizni qoghdiyalmaydu.»
u, israiliyening ghezzede uda 8 aygha yéqin waqittin buyan pütkül insaniyetning köz aldida yürgüzüwatqan keng kölemlik qetliamlarning dunya tertipining ajizliqini namayen qilip, mewjut xelqaraliq organlargha bolghan ishenchni tewritiwetkenlikini tekitlep mundaq dédi:
«birleshken döletler teshkilati xewpsizlik kéngishini öz ichige alghan dunya tertipini qoghdash mesuliyiti bar organlarning qurulmisining adalet hem muqimliqtin tolimu yiraq ikenliki yene bir qétim otturigha chiqti.»
مۇناسىۋەتلىك خەۋەرلەر
istanbul-trablus otturisidiki uchush waqti qisqartildi
istanbul-trablus otturisidiki uchush waqti bir saet qisqartildi.
