erdoghan: pelestinlik qérindashlirimizni baghrimizgha bésish mesuliyitimiz bar
dölitimiz (türkiye jumhuriyiti) jumhur reisi rejep tayyip erdoghan uda 76 yildin buyan öz yurtigha we wetinige qaytishni arzu qilip kelgen pelestinliklerni baghrigha bésish mesuliyitetlirining barliqini éytti.
türkiye awazi radiyosi xewiri: jumhur reis erdoghan tünügün kechte ötküzülgen 7-nöwetlik xelqara yaxshiliq mukapatlirini tarqitish murasimida qilghan sözide, israiliyening ghezzede dawamlashturuwatqan qetliamliri heqqide toxtilip mundaq dédi: «(israiliye qurulghan) 76 yildin buyan öz yurtigha we wetinige qaytishni arzu qilip kelgen pelestinlik qérindashlirimizni baghrimizgha bésish mesuliyitimiz bar, biz pelestinlik qérindashlirimizni yoqqa chiqiriwételmeymiz, nezerdin saqit qiliwételmeymiz.»
«gherb elliri serkeshliki we biperwaliqigha qarimay israiliye bash ministiri bényamin nétanyahuni qollashni toxtatmighan teqdirde, pelestinde dawamlishiwatqan qirghinchiliqning aldini alghili élish mumkin emes.»
«israiliyelikler qamal sewebidin alliqachan dala doxturxanisigha aylinip ketken ghezze rayonini yéqinqi 229 künde nahayiti chong balilar qebristanliqigha aylandurup qoydi. héchkim bizning eqil – parasetimizni kemsitmesliki kérek. ghezzede tökülüwatqan qetliamlardin ishghaliyetchiler qandaq jawabkar bolsa shu ishghaliyetchilerni eshya oboroti we herbiy yardemler bilen teminligichilermu shundaq jawabkardur.»
erdoghan sözining axirida mundaq dédi:
«shuni alahide tekitlep ötimenki, eger siyonistlar kéngeymichiliki (mustemlikichilik siyasiti) ni mushundaq dawamlashtursa, dunyamiz yéngi toqunushlargha sehne bolidu.»
مۇناسىۋەتلىك خەۋەرلەر
türkiye térrorchilargha zerbe bérishni dawamlashturmaqta
türkiye térrorluqqa qarshi turush kürishini qetiy irade bilen üzlüksiz dawamlashturmaqta.
