fidan türk döletliri parlamént ezaliri ansambili yighinida söz qildi

türkiye awazi radiyosi xewiri: ministir fidan paytext enqerede chaqirilghan türk döletliri parlamént ezaliri ansambili dölet mudapie komitéti reisliri yighinining échilishida söz qildi.

pelestinni qollashning ehmiyitini tekitligen fidan, ghezzede köp sanliqi ayallar we balilar bolup, on minglarche kishining ölümini keltürüp chiqarghan israiliyening wehshiylikini üzül-késil toxtitish üchün, ikki döletlik hel qilish charesini yolgha qoyushning zörüriyitini otturigha qoydi we sözini dawamlashturup: «hazirqi sharaitta, türk dunyasining ortaq pozitsiye bildürüp, xelqara jemiyet bilen ortaq pozitsiye namayan qilishi, türk dunyasining bir exlaqiy küch süpitide gewdilinishige kapaletlik qilidu. bu ixtilapning kéngiyishi we jemiyet xaraktérlik keskinliship kétish xetirining aldigha élishqa töhpe qoshidu» dégenlerni qeyt qildi.

u yene: «men türk dunyasidiki barliq qérindashlirimizni ghezzediki wehshiylikke qarshi awazini téximu yuqiri kötürüshke, bu zulumgha xatime bérish üchün téximu konkrét tedbirlerni qollinishqa chaqirimen» dégenlerni sözlirige ilawe qildi.