türkiye irandiki tik uchar hadisisi sewebidin bir künlük matem élan qilishni qarar qildi

türkiye awazi radiyosi xewiri: jumhur reis erdoghan kabinét yighinidin kéyin bayanat élan qildi؛ u iran pirézidénti we hemrahliqidikilerning tik uchar chüshüp kétish weqeside hayatidin ayrilghanliqidin qattiq qayghurghanliqini qayta-qayta tekitlep: «kabinét yighinimizda, iran xelqi duch kelgen chongqur azabni ortaqlishish üchün, bir künlük milliy matem élan qilishni qarar qilduq» dédi.

erdoghan yene, reisi we uning hemrahliqidikler olturghan tik uchar chüshüp ketkendin kéyin, iranning telipige binaen bu döletke ewetilgen aqinji uchquchisiz hawa apparatining hawarayining nachar bolushigha qarimay, rayonda 7.5 saet izdesh we charlash paaliyiti élip bérip, jemiy 2100 kilométirliq uchush musapisini bésip ötkenlikini bildürdi.

aldinqi küni (19-may) pirézidént reisi iran-ezerbeyjan chégrasidiki tosmini échish murasimigha qatnashqandin kéyin, tashqi ishlar ministiri hüseyin emir abdullahiyan we bir qisim emeldarlar bilen birlikte irangha qarap yolgha chiqqan, qaytish yolida ular olturghan tik uchar chüshüp ketkenidi.

iranning telipige asasen, türkiye aqinji uchquchisiz hawa apparatini izdesh we qutquzush paaliyetlirige qatnashturdi. hadisige uchrighan tik ucharning aqinji uchquchisiz hawa apparati teripidin bayqalghan kordénati iran dairiliri bilen ortaqlishildi.

weqe yüz bergen rayongha yétip barghan iran qutquzush etretliri, hadiside héchkimning hayat qalmighanliqini éniqlap chiqti.