erdoghan t r t qurulghanliqining 60 yilliqi munasiwiti bilen tebrik télégrammisi tarqatti

türkiye awazi radiyosi xewiri: jumhur reis erdoghan TRT ning uchur we tejribisini mesuliyetchan, biterep we pirinsipal axbaratchiliq tonushi bilen 60 yildin buyan puqralargha sunup kéliwatqanliqini eskertti.

zamaniwi reqemlik tarqitish telep qiliwatqan barliq yéngi pursetlerdin toluq paydilinip kéliwaqan TRT ning küchlük we ünümlük teshkiliy qurulmigha ige ikenlikini؛ türkiye xelqining TRT ning tarqitish saheside yetken sewiyesidin pexirlendüridighanliqini tekitligen erdoghan sözini dawamlashturup: «ammiwi mulazimet neshriyatchiliqi mesuliyitini ésidin chiqarmighan TRT, heriketchan qurulmisi we bashlamchi tarqitish tejribisi bilen dölitimizning qimmet qarishi, tarixi, medeniyiti, küchi we awazini pütün dunyagha anglitip kelmekte. xewerdin tenterbiyegiche, naxsha-muzikidin höjjetlik filimlergiche, balilar qanalliridin kültürgiche bolghan barliq qanalliri bilen ülge bolushni dawamlashturuwatqan TRT, dölitimizdiki her qaysi saheler üchün bir mektep xaraktérige ige bolup, bu sahede qimmetlik téléwiziye we radiyo xadimlirining terbiyelinishide muhim rol oynimaqta. men TRT ning bu muweppeqiyetlik xizmetlirining hemmisini buningdin kéyinmu dawamlashturidighanliqigha ishinimen. qurulush yili munasiwiti bilen, türkiye radiyo-téléwiziye orginining barliq xizmetchilirini tebrikleymen, ulargha semimiy salam yollaymen» dégenlerni qeyt qildi.