xaqan fidan gollandiyede ziyarette bolidu

türkiye awazi radiyosi xewiri: türkiye jumhuriyiti tashqi ishlar ministirliqi bayanat élan qilip, ministir xaqan fidanning ete gollandiyege bérip, gollandiyelik mensepdishi xenké bruyins slot bilen körüshüp, türkiyening yawropa ittipaqigha toluq eza bolush musapisi, tamozhna ittipaqini yéngilash we türkiye puqraliridin wizini kechürüm qilish qatarliq mesililerni muzakire qilidighanliqini bildürdi.

bayanatta körsitilishiche, ministir fidan yene ziyariti jeryanida gollandiyediki türk jamaitining weziyiti we ilgiri bu dölette yüz bergen <quran kerim>ge hujum qilish qilmishlirinimu otturigha qoyidiken.

söhbetler jeryanida, térorluqqa qarshi küresh we türkiyening bu jehettiki ümidi gollandiye terepke yetküzülidiken.

israiliyening pelestinge qaratqan hujumliri, ukraina we qibris qatarliq yéqin etraptiki mesililermu ikki terep söhbitining muhim témilirining bir qismini teshkil qilidiken.