türkiye iran bilen israiliyeni mötidillikke chaqirdi

türkiye awazi radiyosi xewiri: türkiye tashqi ishlar ministirliqi iranning israiliyege qilghan hujumidin kéyin élan qilghan bayanatida, israiliyening ghezzediki urushining kéngiyish we yuqiri örlesh xewipi yaritidighanliqigha dair türkiyening agahlandurushini uzundin buyan barliq söhbetdashlirigha eskertip kéliwatqanliqi bildürüldi.  

bayanatta mundaq déyildi:

«israiliyening iranning demeshiqtiki elchixanisigha qilghan xelqara qanungha xilap hujumi endishimizning toghra ikenlikini ispatlidi. iranning bu hujumgha qayturghan öch élish herikiti we kéyinki özgirishler weqelerning qandaq tézlikte rayon xaraktérlik urushqa aylinidighanliqini yene bir qétim körsitip berdi. biz weqe yüz bérishtin ilgiri iran we amérika dairiliri bilen körüshüp, mötidillikni chaqiriq qilghan iduq. tereplerning özara ümidliri we uchurlirimu dölitimiz arqiliq yetküzülgen idi. inkaslarning tengpung bolushigha kapaletlik qilish üchün kéreklik tedbirlerni alghan iduq. biz  bügünmu iran dairilirige we israiliyege tesir körsiteleydighan gherb döletlirige weziyetning keskinlishishni tosup qélish kéreklikige dair uchurlirimizni éniq yetküzmektimiz. rayonimizning muqimliqigha uzun muddetlik ziyan salidighan we dunya miqyasida téximu chong toqunushlarni keltürüp chiqiridighan heriketlerning aldini élish üchün tirishchanliqlirimizni dawamlashturimiz.»