erdoghan: erkin pelestin qurulghiche dawamliq qollaymiz
jumhur reis rejep tayyip erdoghan türkiyening ghezzege 45 ming tonnidin artuq insanperwerlik yardimi ewetkenlikini éytti.
türkiye awazi radiyosi xewiri: jumhur reis rejep tayyip erdoghan roza héytni tebriklep tarqatqan sinliq uchurida: «biz qiyin peytte pelestin xelqi bilen bille ikenlikimizni namayan qilduq» dédi we sözini mundaq dawamlashturdi:
«türkiye bolush süpitimiz bilen, biz bu qiyin peytlerde bügüngiche rayongha ewetken 45 ming tonnidin artuq insanperwerlik yardimimiz bilen, pelestin xelqi bilen bille ikenlikimizni namayan qilduq. buningdin kéyinmu qollishimizni kéngeytimiz. biz ghezzede éqiwatqan qan toxtighiche we pelestinlik qérindashlirimiz 1967-yildiki chégrani asas qilip, paytexti sherqiy quddus bolghan erkin pelestin dölitini qorghiche yardemlirimizni dawamlashturimiz.»
u térrorluq teshkilatlirigha qarshi dawamlishiwatqan herbiy heriketler üstidimu toxtilip: «p k k din fethullahchi térrorluq teshkilatighiche we daéshtin wetinimizning birliki, xelqimizning xatirjemlikige qest qilghan térrorluq teshkilatlirini nepes aldurmaymiz. térrorluqni yiltizidin qurutush istratégiyemizni qetiy irade bilen dawamlashturimiz» dédi.
