erdoghan ayasofiyai kebir jameside jamaetke xitab qildi

türkiye awazi radiyosi xewiri: jumhur reis jamaetning qedir kéchisini tebriklep: «rebbim qelbinglarni bir we barawer qilsun» dédi we sözining dawamida israiliyening ghezzediki hujumliri toghrisida toxtilip: «qérindashlirimiz u yerde israiliyening zulumi astida. rebbim bu qérindashlirimizni zulumdin leylei qedir (qedir kéchisi)diki dualar hörmiti üchün qutuldursun. biz hazir qilalaydighan barliq yardemlerni qiliwatimiz, adaqqiche qilishni dawamlashturimiz» dédi.

al imran sürisining 103-ayitini oqup, birlik we barawerlikning ehmiyitini tekitligen jumhur reis erdoghan: «hemminglar allahning arghamchisini, yeni quranni ching tutunglar. bölünmenglar. asasliq mesile bu. biz bölünmeymiz, bir bolimiz, barawer bolimiz. bu munasiwet bilen perwerdigarim küchimizni, quwwitimizni daim qilsun. rebbim bizni ramizani sherifke nail qilghandek, inshaallah, bayramghimu nail qilsun. bizni héytni héyttek ötküzgenlerdin qilsun. allahtin birlikimizni menggülük qilishini tileymen» dégenlerni qeyt qildi.