erdoghanning bashchiliqida dölet xewpsizlik yighini échildi
dölet xewpsizlik kéngishi yighinida, térrorluq teshkilatlirini jasaretke ige qilghan barliq aktiyorlarning térrorluq bilen bolghan alaqisini uzun muddetlik we kéchiktürmestin üzüshining muhimliqi tekitlendi.
türkiye awazi radiyosi xewiri: jumhur reis rejep tayyip erdoghanning riyasetchilikide jumhur reislik mehkimiside ötküzülgen dölet xewpsizlik kéngishi yighinidin kéyin, xitabname élan qilindi.
xitabnamede, térrorluq teshkilatliri we ularning qollighuchilirigha her qandaq ehwalda héchqandaq orun bérilmeydighanliqi tekitlinip, «p k k|k j k-y p g térrorluq teshkilatining yawropada yashaydighan puqralirimizni we elchixana-konsulxanilirimizni nishan qilghan hujumliri yéqindin közitiliwatidu. térrorluq teshkilatlirini righbetlendüridighan barliq aktiyorlarning, térrorluq bilen bolghan alaqisini uzun muddetlik we kéchiktürmestin üzüshi muhim» déyildi.
xitabnamede yene, xelqaraliq jemiyetning, israiliyening ghezze xelqi we insanperwerlik yardem teshkilatlirigha 7-öktebir (2023) din bashlap dawamlashturuwatqan hujumini axirlashturush we uzun muddetlik tinchliqni qolgha keltürüsh tirishchanliqlirini qollashqa chaqirilghanliqi körsitildi.
