türkiye: israiliyening b d t xewpsizlik kéngishining ghezze qararini ijra qilishini ümid qilimiz
türkiye israiliyening birleshken döletler teshkilati (b d t) xewpsizlik kéngishide maqullanghan ghezze qararida körsitilgen teleplerni baldurraq orundishini ümid qilidighanliqini bildürdi.
türkiye awazi radiyosi xewiri: türkiye jumhuriyiti tashqi ishlar ministirliqi bayanatchisi önjü kecheli, b d t xewpsizlik kéngishining tünügün maqullanghan 2728 (2024) - nomurluq «ghezzede derhal urush toxtitishni telep qilghan» qarari toghrisidiki soalgha yazma halette jawab qayturup: «biz b d t xewpsizlik kéngishining ramizan éyida ghezzede jiddiy urush toxtitish shundaqla ghezzege insanperwerlik yardimi yetküzüp bérish toghrisidiki qararigha ijabiy qedem dep qaraymiz. biz israiliyening bu qararning teleplirini mumkinqeder téz orundishini ümid qilimiz» dédi.
u ghezzediki tiragédiyening axirlishishi we israiliye-pelestin mesilisini üzül-késil hel qilish üchün, xelqara jemiyetning israiliyege qarshi ortaq pozitsiye bildürüshi kéreklikini tekitlidi.
ghezzede sijilliqqa aylandurghili bolidighan shekilde «ramizanda derhal urush toxtitish» toghrisidiki qarar layihesi b d t xewpsizlik kéngishide awazgha qoyulup maqullanghanidi.
amérika qoshma ishtatliri «bitereplik»ini saqlap qalghan qarar layihesi 14 eza döletning qollishi bilen qobul qilinghanidi.
