güler: térrorluq teshkilatini heriket iqtidarini yoqitish nuqtisigha keltürduq
türkiye jumhuriyiti dölet mudapie ministiri yashar güler: «dölet ichi we sirtida élip bérilgen ejellik zerbe bérish heriketliri netijiside bölgünchi térrorluq teshkilatini heriket iqtidarini yoqitish basquchigha keltürduq» dédi.
türkiye awazi radiyosi xewiri: dölet mudapie ministiri güler tünügün qiriqqelede bayanat bérip, türkiye armiyesining bir tereptin chégra bixeterlikige kapaletlik qilip, yene bir tereptin, yene bir tereptin, térrorizmgha qarshi küreshte zor utuqlarni qolgha keltürgenlikini tekitligen halda: «dölet ichi-sirtida élip bérilghan ejellik heriketler arqiliq teshkilatni heriket iqtidarini yoqitish basquchigha keltürduq. netijide memlikitimizning herqaysi jaylirida ornitilghan bixeterlik we tinchliq muhiti hés qilindi. térorluqqa qarshi turushtin bashqa, eng küchlük we ünümlük tedbirlerni yolgha qoyup, chégralirimizning bixeterlikige kapaletlik qiliwatimiz. oxshashla, hawa boshluqi we déngizlardiki heq-hoquq we menpeetlirimiznimu qetiylik qoghdawatimiz. bu paaliyetlerge parallél halda, nurghun rayonlarning bixeterlik, tinchliq we muqimliqigha töhpe qoshuwatimiz» dédi.
yerlik we milliy mudapie sanaiti mehsulatliri arqiliq armiyening iqtidarini téximu ashurghanliqlirini bildürgen güler, firtina namliq zembirekler, uchquchisiz hawa apparati, qoralliq uchquchisiz hawa apparati, hujumchi uchquchisiz hawa apparati, hujumchi tik ucharlar, TCG anadolu paraxoti we hawa mudapie sistémisi qatarliq nurghun halqiliq mehsulatlarning armiyege tapshurulghanliqini tekitlidi.
axirida, milliy küreshchi ayropilan— KAAN ning 2-ayning 21-küni muweppeqiyetlik halda tunji qétim uchqanliqini eskertken güler, sözini dawamlashturup: «shundaq qilip, türkiye dunyadiki özining urush ayropilani ishlepchiqiralaydighan az sandiki döletlerning birige aylandi, buningdin qanchilik pexirlensek azliq qilidu» dégenlerni qeyt qildi.
مۇناسىۋەتلىك خەۋەرلەر
türkiye-girétsiye söhbet yighini istanbulda chaqirildi
türkiye-girétsiye «berpachi küntertip diyalogi»ning 6-qétimliq yighini istanbulda ötküzüldi.