erdoghan istanbulda ötküzülgen «kona dostlar iptari» da muhim söz qildi
jumhur reis rejep tayyip erdoghan: «xelqara organlar we teshkilatlar ghezzede yene bir qétim meghlub boldi. shunimu étirap qilayliki, islam dunyasimu bu jeryanda sinaqtin yaxshi ötelmidi» dédi.
türkiye awazi radiyosi xewiri: jumhur reis erdoghan istanbulda ötküzülgen «kona dostlar iptari» paaliyitige qatnashti.
erdoghan paaliyette qilghan sözide, israiliyening 7-öktebir (2023) din buyan ghezzede hujumlirini dawamlashturuwatqanliqini we ghezzede aldinqi esirning eng wehshiy qirghinchiliqliridin birining yüz bériwatqanliqini tekitlep, xelqaraliq teshkilatlarning bu heqte yene bir qétim meghlub bolghanliqini éytti.
erdoghan: «israiliyening qirghinchiliqni qilalishi üchün oq-dora yardem bergen gherb döletlirining munapiqliqi, ghezzeni dunya boyiche eng chong kichik balilar we ayallar qebristanliqigha aylandurup qoydi. étirap qilayliki, islam dunyasimu sinaqtin yaxshi ötelmidi. biz musulman bolush süpitimiz bilen choqum özimizdin buning hésabini sörishimiz kérek» dédi.
jumhur reis erdoghan türkiyening barliq imkaniyetliri bilen ghezzelik qérindashlirini qollighanliqini eskertip, ghezzege 40 ming tonnadin artuq insanperwerlik yardimi yollighanliqini we téximu ashurghan halda dawamlashturidighanliqini bildürdi.
