erdoghan yemen, süriye, sudan, türkistan we afghanistandiki azabliq qérindashlar heqqide toxtaldi
jumhur reis rejep tayyip erdoghan pelestin zéminida chong bir insanperwerlik pajiesining yüz bériwatqanliqini éytti.
türkiye awazi radiyosi xewiri: jumhur reis erdoghan istanbuldiki xalich qurultay merkizide ötküzülgen iptar programmisida söz qilip, toqunush, insanperwerlik pajieliri we krizisler ewj alghan azabliq mezgilde muqeddes ramizan éyining yétip kelgenlikini bildürdi.
erdoghan: «bizler yéqinlirimiz, ailimiz we tughqanlirimiz bilen iptarning xushalliqini ortaqlishiwatqan bolsaq, ghezzede we ishghal qilinghan pelestin zéminida teripleshke sözmu yetmeydighan chong bir insanperwerlik pajiesi yüz bermekte. bir qacha issiq yémeklik, bir istakan pakiz su tépishmu katta heshemet hésablinidighan intayin azabliq we insaniyetke nisbeten intayin nomusluq künlerge shahit bolmaqtimiz. yemen, süriye, sudan, türkistan we afghanistan qatarliq qelb joghrapiyemizning oxshash bolmighan bulunglirida qérindashlirimiz bu muqeddes künlerde heqiqeten qattiq sinaqlarni bashtin kechürüwatidu» dédi.
erdoghan adaletke, tinchliqqa we ittipaqliqqa shundaqla zulumgha uchrighanlar üchün yardemlishish seperwerlikige her qandaq waqittikidinmu bek éhtiyaj hés qiliniwatqan bir dewrde turuwatliqini éytti.
ramizanning yétip kélishi bilen teng türkiye xelqining ghezzege we bashqa zulumgha uchrighan rayonlargha bolghan yardimini köpeytkenlikini körüp xushal bolghanliqini eskertken jumhur reis erdoghan, «türkiye we türkiye xelqi bolush süpitimiz bilen esirlerdin béri qilip kéliwatqainimizgha oxshash qiyinchiliqta qalghanlarning yardimige yügreshni dawamlashturimiz» dédi.
