erdoghan isirailiyening bowaqlar üchün jawabkarliqqa tartilishi kéreklikini éytti

türkiye awazi radiyosi xewiri: jumhur reis rejep tayyip erdoghan bash elchilerge bérilgen iptar ziyapitide söz qildi.

u tinchliq éyi bolghan ramizanni (11-mart-9-aprél) ghezze qatarliq yéqin etrapta yüz bériwatqan weqeler sewebidin ghemkin kütüwalghanliqlirini bildürüp: «ghezze we ishghal qilinghan zéminlarda isirailiyening besh aydin buyan dawamlishiwatqan hujumlirida 32 ming qérindishimiz shéhit boldi. 73 ming pelestinlik yarilandi. ghezze isirailiyening wehshiyane hujumliri netijiside, dunyaning eng chong kichik bala we ayallar mazarliqigha aylandi. biz buni dégen waqtimizda, isirailiye bash ministiri nétanyahu we jinayet shaykisi biaram bolidu. hemme yolni sinap baqti, emma rejep tayyip erdoghanning heqni we heqiqetni warqirshigha hergizmu tosqunluq qilalmidi. bizning qatilni qatil dep atishimizgha tosqunluq qilalmaydu. isirailiye mesulliri irqiy qirghinchiliqning heqiqitini yoshurushning ornigha, ghezzede jénidin ayrilghan bowaqlarning hésabini bersun. bir chimdim un, bir baghlam teyyar chöp, belkim bir toghram nan élish üchün öchirette saqlawatqan bigunah kishilerni öltürgenlerning bizge gep qilidighan yüzi yoq. türkiye ilgirikidek bügünmu pelestinlik qérindashlirigha ige chiqidu. zalimlarning qarshisida qetiy arqigha chékinmeydu. hemmmiz pelestinde öltürülgen kichik balilargha qerzdarmiz, bub qerz peqet we peqet musteqil pelestin dölitining qurulushi bilen tölinishi mumkin» dédi.