erdoghan «musteqilliq marshining qobul qilinishi xatire küni» munasiwiti bilen télégramma yollidi

türkiye awazi radiyosi xewiri: jumhur reis erdoghan 12-mart musteqilliq marshining qobul qilinishi we marsh shairi mehmet akif ersoyni xatirilesh küni munasiwiti bilen télégramma tarqatti.

musteqilliq marshining millet süpitide erkinlikke ériship, wetinini ishghaldin azad qilip, yéngi kelgüsi berpa qilishning bir esirdin köprek waqit ilgiriki ortaq milliy tonushning ipadisi ikenlikini tilgha alghan erdoghan: «bizning medeniyet arqa körünüshimiz, qimmet qarishimiz, étiqadimiz, xelqimizning tarixtiki yürüshi musteqilliq marshimizning misralirida öz ipadisini tapqan. musteqilliq urushigha yétekchilik qilghan türkiye büyük milliy mejlisining iradisi we qetiyliki؛ aldinqi septiki eskerlirimizning pidakarliqi, iradisi we weten söygüsi musteqilliq marshida ipadilengen» dédi.

bügünmu musteqilliq marshidiki her bir söz, her bir uchurni bedini we rohining herbir talalirighiche qobul qilghan yashlarning barliqini tekitligen jumhur reis, sözini dawamlashturup: «bizning bayraq we ezan sezgürlükini waqti kelgende hayati bedilige qoghdaydighan ewladlirimiz bar. türk xelqining minglarche yilliq dölet we medeniyet dewasini on qitede qelblerge oyghan musteqilliq marshimizni untup qalghan künimiz, putimizgha asaret kisheni, boynimizgha zillet zenjiri sélinghan bolidu. xelqimizning qelbide alahide orungha ige bolghan ulugh wetenperwer shairimiz mehmet akif ersoy, musteqilliq marshimizni öz ichige  alghan eserliri we pikirliri bilen her daim hörmet bilen eslinidu. dölet marshimiz qobul qilinghanliqining xatire yilida, mehmet akif ersoy qatarliq musteqilliq kürishimizning barliq qehrimanlirini séghinish we minnetdarliq ichide xatirileymen hemde barliq xelqimizge chin hésyatim bilen salam yollaymen» dégenlerni qeyt qildi.