ministir mahinur göktash israiliyege naraziliq bildürüp b d t yighin zalidin chiqip ketti

türkiye awazi radiyosi xewiri: türkiye jumhuriyiti aile we ijtimaiy xizmetler ministiri mahinur özdemir göktash birleshken döletler teshkilati (b d t) yighin zalida israiliyening irqiy qirghinchiliqigha naraziliq bildürdi.

amérika qoshma ishtatlirining nyuyork shehiridiki b d t omumiy kéngishi yighin zalida ötküzülgen «ayallar salahiyiti komitéti» yighinida söz qilish nöwiti israiliyege kelgende, ministir mahinur özdemir göktash we türkiye wekiller ömiki yighin zalidin chiqip ketti.

ministir göktash we türkiye wekilliri israiliye ijtimaiy barawerlik we ayallar tereqqiyati ministiri may golanning sözi axirlashqandin kéyin yighin zaligha qaytip keldi.

yighinda türkiyening ghezze xelqini qollaydighanliqini qayta-qayta tekitligen ministir mahinur özdemir göktash, sözini dawamlashturup, yershari xaraktérlik xirislarni hel qilish bilen birge, tüp seweblerge, bolupmu namratliq we tüzüm ajizliqigha qarshi turushning muhimliqini tekitlidi.

göktash yene: «barawerlik mesilisini muzakire qilish bilen bir waqitta, biz israiliyening pelestinliklerge qarshi élip barghan herikiti netijiside dawamlishiwatqan, éghir azab-oqubetlerni keltürüp chiqarghankirizisni nezerdin saqit qilalmaymiz» dégenlerni sözlirige ilawe qildi.