erdoghan pakistan bash ministiri shahbaz sherif bilen körüshti
jumhur reis rejep tayyip erdoghan pakistan bash ministiri shahbaz sherif bilen türkiye-pakistan munasiwetliri, rayon xaraktérlik we xelqaraliq mesililer toghrisida söhbetleshti.
türkiye awazi radiyosi xewiri: jumhur reislik mehkimisi éks (X) bétide uchur hembehrlep, erdoghan bilen pakistan bash ministiri shahbaz sherifning téléfonda körüshkenlikini bildürdi. hembehirlengen uchurda mundaq déyildi:
«hörmetlik jumhur reisimiz rejep tayyip erdoghan pakistan bash ministiri shahbaz sherif bilen téléfonda körüshti. söhbette türkiye-pakistan munasiwetliri, rayon xaraktérlik we xelqaraliq mesililer muzakire qilindi. jumhur reis erdoghan söhbette shahbaz sherifning qaytidin bash ministirliq wezipisige saylanghanliqini tebriklidi we bu yéngi mezgilde türkiye - pakistan munasiwetlirining téximu chongqurlashqan halda tereqqiy qilidighanliqigha ishinidighanliqini bildürdi. jumhur reis erdoghan pakistanda yüz bergen térrorluq hujumlirini eyibleydighanliqini we pakistan xelqige teziye bildüridighanliqini éytti.»
