erdoghan antalyada xelqqe xitab qildi

türkiye awazi radiyosi xewiri: jumhur reis shundaqla adalet we tereqqiyat partiyesining reisi erdoghan partiyesining antalya yighilishida nutuq sözlidi.

erdoghan sayahetchilik, déhqanchiliq we soda bilen közge körüngen antalya shehirining xelqaraliq diplomatiye cholpanlirining birige aylanghanliqini bildürüp, ülüshkün (1 – marta) bashlanghan 3 -  nöwetlik antalya diplomatiye munbiri yighinining bu qed kötürüshning alametliridin biri ikenlikini éytti.

erdoghan antalyaning her sahede «xelqaraliq sheher» bolush salahiyitini kücheytish wedisini emelge ashuridighanliqini tekitlep, «dölitimizni siyasiti, diplomatiyesi, sanaiti, pen -téxnikisi, déhqanchiliqi we sayahetchiliki bilen dunyaning aldinqi qatarlirigha qandaq élip chiqqan bolsaq, türkiye esri bilen yene shundaq aldinqi orungha ötküzimiz» dédi.

erdoghan yene mundaq dédi:

«türkiye iqtisadi bultur %4.5 ashti. milliy kirimimiz 1 tirilyon 100 milyardtin éship, kishi béshigha toghra kélidighan milliy kirimimiz 13 ming dollargha yetti. biz qurghan üzlüksiz éshish muhiti sayisida, ishqa orunlishish, ishlepchiqirish, éksport we sayahetchilikte her yili yéngi rékortlarni buzup tashlimaqtimiz»