emine erdoghan rehberlerning xanimlirigha yéqindin köngül boldi

türkiye awazi radiyosi xewiri: jumhur reis rejep tayyip erdoghanning ayali emine erdoghan antalya diplomatiye munbirige qatnashqan rehberlerning xanimliri  bilen birlikte «anadoluning esirlerdin buyanqi tem sayahiti» namliq paaliyetke qatnashti we jughrapiyelik xasliqqa ige mehsulatlar shundaqla toqulma qol hüner buyumliri körgezmisini ziyaret qildi.

emine erdoghan we uninggha hemrahliqidiki rehberlerning xanimliri shundaqla xelqaraliq teshkilatlarning wekilliri antalya diplomatiye munbiri yighinining «ayallar, tinchliq we bixeterlik» témiliq tarmaq yighinlirigha qatnashti.

andin emine erdoghan we uning méhmanliri türkiyening medeniyet köp xilliqi we qol hüner-senitini ekis ettürülgen özgiche layihelerdin terkib tapqan toqumichiliq qol hüner buyumliri körgezmisini közdin kechürdi.

andin emine erdoghan we uning hemrahliqidiki mesullar, méhmanlargha eneniwi neqishler, belgiler we rengler bilen bézelgen kiyim- kéchek shundaqla zinnet buyumliri heqqide melumat berdi.

emine erdoghan we uning hemrahliqi xanimlar  andin yawropa ittipaqidin jughrapiyilik xasliqqa ige körsetküch tizimlikige érishken mehsulatlar körgezme qiliniwatqan orunlarni ziyaret qildi.

rehberlerning xanimlirigha  ghaziantep baqlawasi, aydin enjüri, malatya örüki, ezine pishliqi we antakya kunefesi qatarliq rayonlargha xas nurghun mehsulatlar teqdim qilindi.

emine erdoghan kéyin rehberlerning xanimlirining sheripige kechlik ziyapet berdi.