faxrettin altun islam hemkarliq teshkilati yighinida muhim uchrishishlarda boldi

türkiye awazi radiyosi xewiri: faxrettin altun türkiyening sahibxanliqida istanbulda ötküzülgen yighinda, béngalning uchur – alaqa we neshriyat ministiri muhemmed eli arafat, gwiniye-bissaw ijtimaiy alaqe ministiri mariya da konséykaw éwora, iran islam jumhuriyiti medeniyet ministiri we islamiy dewet ishliri ministiri doktor muhemmed mehdi ismaili, shimaliy qibris türk jumhuriyiti diplomatiye ministiri tahsin ertughruloghlu, nigériye uchur - alaqe, pochta we dijital iqtisad ministiri ralyo sidi muhemmed we somali uchur - alaqe, medeniyet we sayahet ishliri ministiri dawud awwés jama bilen körüshti.

uchrishilarda, israiliyening 7- öktebirdin buyan ghezzege qiliwatqan wehshiyane hujumi we xelqaraliq jamaet pikirini qaymuqturidighan yalghan xewer we tetür teshwiqat paaliyetliri muzakire qilindi. israiliyening hujumliri we zulumliri netijiside puqralardin bashqa yene 130 zhurnalistning öltürülgenlikini tilgha alghan faxrettin altun israiliyening xelqni qirghin qilish jeryanida xelqara jemiyetning naraziliqini eng töwen chekke chüshürüsh we jinayetlirini yoshurush üchün xelqaraliq axbaratlardin shundaqla  ijtimaiy taratqulardin aktip  paydilanghanliqini bildürdi.

faxrettin altun tetür teshwiqatning yalghan xewer, xata uchur we toqulma mezmunlar bilen élip bérilghanliqini tekitlep, uchur – alaqe idarisi bolush süpiti bilen deslepki kündin tatipla israiliyening jinayitini yoshurush üchün qollanghan yalghanchiliqlirini bir-birlep éniqlap ashkarilighanliqini éytti.  

faxrettin altun israiliyening yalghanchiliqlirini pash qilishning öz nöwitide yene sadir qilghan jinayetlirinimu pash qilish ikenlikini tekitlep, jumhur reis rejep tayyip erdoghanning rehberlikide bolupmu diplomatiye qatarliq israiliyege qarshi qolidiki baliq imkaniyetlerni toluq ishletkenlikini bildürdi hemde israiliye élip barghan tetür teshwiqatlargha qarshi küresh üchün barliq döletlerni hemkarlishishqa we pelestinning heqqaniy kürishini qollashqa chaqirdi.