fidan xewpsizlik kéngishini islah qilish kéreklikini tekitlidi

türkiye awazi radiyosi xewiri: tashqi ishlar ministiri xaqan fidan biraziliyening riyo dé zhanéro shehiride ötküzülgen G20 dölet guruhi tashqi ishlar ministirliri yighinining «yer shari bashqurush islahati» témiliq bölümide söz qildi.

u köp qutupluq yéngi dunya tertipidiki jughrapiyelik siyasiy jiddiychilikni yéngish üchün küchlük köp tereplik organ we ünümlük yersharini bashqurush méxanizmlirigha éhtiyajliq ikenliklirini bildürdi.

u éhtiyaj hés qilinghan özgirishning emelge éshishining muhim ikenlikini eskertip, buning üchün aldi bilen xewpsizlik kéngishini islah qilishqa ehmiyet bérish kéreklikini qeyt qildi.

u ghezze qatarliq nurghun mesililerni «hel qilalmighan» xewpsizlik kéngishining barliq b d t  sistémilirining «hörmitige dagh chüshürgenliki» ni alahide tekitlep, téximu démokratik, téximu mesuliyetchan we xelqara qanungha tayanghan sistémigha éhtiyajliq ikenliklirini bildürdi.

u xelqara pul-muamile sistémisiningmu heqiqiy sighdurushchan, qaide-pirinsipqa tayinidighan, téximu ochuq-ashkara we sijil bolushi kéreklikini bildürdi.

u tereqqiy tapqan we tereqqiy qiliwatqan döletler otturisidiki perqni tügitish üchün xelqara pul-muamile apparatliri we köp tereplik tereqqiyat bankilirining choqum tereqqiy qiliwatqan, tereqqiy qilmighan döletlerge mas kélidighan siyasetlerni qollinishi kéreklikini tekitlidi. undaq bolmighanda, imkaniyetlik sijil tereqqiyat nishanigha yetkili bolmaydighanliqini eskertti. shunga, bu nuqtidin éytqanda, G20 ning muhim rol oyniyalaydighanliqini qeyt qildi.