erdoghan: türkiyening küreshchi ayropilani <kaan>ni 2028-yili hawa armiyemizge tapshurimiz
jumhur reis rejep tayyip erdoghan türkiyening öz küchige tayinip ishlepchiqarghan 5-ewlad küreshchi ayropilani nni 2028-yilining axirida türkiye hawa armiyesige tapshurup bérishini pilanlawatqanliqlirini éytti.
türkiye awazi radiyosi xewiri: jumhur reis, qoshumche adalet we tereqqiyat partiyesi reisi erdoghan, partiyesining denizlidiki chong yighilishida söz qildi؛ u türkiyening yéqinqi yillardin buyan dölet mudapie sanaitide zor ilgirileshlerni qolgha keltürgenlikini tekitlep: «biz yoluqqan nurghun tosuqlar, ashkara-yoshurun émbargolargha qarimay, bu sahede özimizni toxtimay tereqqiy qildurimiz» dédi.
erdoghan özlirining térrorluqqa qarshi turush kürishide ishlitidighan qorallarning köp qismini chet ellerdin sétiwalidighan ehwalgha xatime bergenliklirini tilgha élip: «biz hazir éhtiyajliq bolghan barliq qorallarni öz küchimizge tayinip ishlepchiqaralaymiz. bula emes, biz ularni dost we qérindash döletlergimu éksport qilalaymiz» dégenlerni qeyt qildi.
türkiyening 5-ewlad küreshchi ayropilani <kaan>ning tunji uchushini muweppeqiyetlik tamamlighanliqini bildürgen erdoghan: «2028-yilining axirida <kaan>ning hawa armiyimiz sépige qoshulushini pilanliduq» dégenlerni sözlirige ilawe qildi.