erdoghan: 5-ewlad küreshchi ayropilan ishlepchiqirishta halqiliq bir ötkelni arqida qaldurduq
jumhur reis rejep tayyip erdoghan türkiyening 5-ewlad küreshchi ayropilan ishlepchiqirishta intayin halqiliq bir ötkelni arqida qaldurghanliqini éytti.
türkiye awazi radiyosi xewiri: jumhur reis, qoshumche adalet we tereqqiyat partiyesi reisi erdoghan, partiyesining afyonqarahisarda ötküzülgen chong yighilishida söz qildi.
bügün özlirining türkiye mudapie sanaitining yene bir iptixarliq künini bashtin kechürgenliklirige isharet qilip: «milliy küreshchi ayropilanimiz — kaan (qaghan) bügün tunji uchushni muweppeqiyetlik tamamlidi؛ biz yasiduq we yasashni dawamlashturimiz» dédi.
kaanning beeyni F-16 ge oxshaydighanliqini otturigha qoyghan erdoghan, türkiyening 5-ewlad küreshchi ayropilan ishlepchiqirishta intayin halqiliq bir ötkelni arqida qaldurghanliqini tekitlidi.
erdoghan türkiyening uchquchisiz hawa apparatlirini, aqinji we qizilelmani yasap chiqqanliqigha isharet qilip: «biz mudapie sanaiti saheside xelqimizge yéngi xush xewerlerni bérishni dawamlashturimiz» dégenlerni sözlirige ilawe qildi.
