fidan biraziliyede chaqirilidighan 20 dölet guruhi tashqi ishlar ministirliri yighinigha ishtirak qilidu
türkiye jumhuriyiti tashqi ishlar ministiri xaqan fidan 21-, 22-féwral künliri biraziliyede ötküzülidighan 20 dölet guruhi tashqi ishlar ministirliri yighinida, ghezzediki tiragédiyeni otturigha qoyidu.
türkiye awazi radiyosi xewiri: dölitimiz (türkiye jumhuriyiti) tashqi ishlar ministiri xaqan fidan 21-, 22-féwral künliri biraziliyede ötküzülidighan 20 dölet guruhi tashqi ishlar ministirliri yighinida, ghezzediki tiragédiyeni otturigha qoyup, xelqara jemiyetni yene bir qétim jiddiy urush toxtitishqa kapaletlik qilip, insanperwerlik yardem eshyalirini yetküzüp bérishke küch chiqirishqa chaqiridu.
türkiyening eng chong 20 iqtisadiy gewdidin teshkil tapqan 20 dölet guruhi yighini jeryanida otturigha qoyidighan <israiliyening 7-öktebirdin boyan dawam qiliwatqan ghezze hujumliri, rusiyening ikki yilni arqida qaldurghan ukraina ishghali we yer sharini bashqurush méxanizmining yétersizliki qatarliq mesililerdiki qarashliri> muhim ehmiyetke ige.
biraziliyening 20 dölet guruhi nöwetchi reisiliki mezgilining tunji qétimliq yighini tashqi ishlar ministirliri derijiside ötküzülidu؛ igilinishiche, bu qarar yéqindin buyanqi siyasiy jughrapiyelik jiddiychiliklerni arqa körünüsh qilidiken.
diplomatik menbelerdin igilengen uchurlargha asaslanghanda, ministir fidan riodé zhanéyroda ötküzülidighan «adil dunya berpa qilish we sijil dunya» témiliq 20 dölet guruhi tashqi ishlar ministirliri yighinigha qatniship, guruhqa eza bezi döletlerning tashqi ishlar ministirliri bilen ayrim uchrishishlarni ötküzidiken we méksika, hindinoziye, jenubiy koréye, türkiye we awistiraliyedin teshkil tapqan <mikta> döletlirining 25-nöwetlik tashqi ishlar ministirliri yighinigha qatnishidiken.
