yilmaz: qibrisni yalghuzlashturush urunushliri ghelibe qilalmaydu

türkiye awazi radiyosi xewiri: her xil uchrishishlarni ötküzüsh meqsitide shimaliy qibris türk jumhuriyitining paytexti lefkoshagha barghan muawin jumhur reis jewdet yilmaz, erjan ayrodurumida bayanat bérip, shimaliy qibris türk jumhuriyitining musteqil, igilik hoquqluq bir dölet bolush süpitide yolini dawamlashturuwatqanliqini, türkiyening qibris türklirining tereqqiyati we bayashatliqini künséri ashurush kürishini dawamliq qollaydighanliqini bildürdi.

ziyariti dairiside shimaliy qibris türk jumhuriyiti jumhur reisi ersin tatar we bash ministiri ünal üstel bilen körüshüp, ikki dölet hemkarliqining barliq saheliri, bolupmu pul-muamile we iqtisadiy mesililerni muhakime qilidighanliqlirini bildürgen yilmaz, sözini dawamlashturup: «beziler shimaliy qibris türk jumhuriyitini dunyadin ayriwetmekchi boluwatqan bolushi mumkin, emma ular muweppeqiyet qazinalmaydu. ular bir ishikni taqisa, biz bashqa ishiklerni achimiz we shimaliy qibris türk jumhuriyiti, qibris türkliri dunya bilen bir gewdilishishni, her sahede dunyagha töhpe qoshushni dawamlashturidu» dégenlerni qeyt qildi.