eli yerlikaya yéqinqi 11 ay ichide 1069 térrorchining birterep qilinghanliqini élan qildi
ichki ishlar ministiri eli yerlikaya 2023-yilidiki 11 ay ichide 59 atalmish yuqiri derijilik térrorchi katibashliri bolup, jemiy 1069 térrorchining birterep qilinghanliqini élan qildi.
türkiye awazi radiyosi xewiri: eli yerlikaya türkiye büyük millet mejlisi (parlaménti) omumiy kéngishida sözligen nutuqida, 40 nechche yildin buyan döletning birliki we barawerlikige qest qiliwatqan shundaqla döletning 40 mingdin artuq perzentini shéhit qilghan bölgünchi térorluq teshkilatigha qarshi élip bérilghan heriketler arqiliq bixeterlik qisimliri qolgha keltürgen meydan üstünliki netijiside, térorluqning axirlishish bashquchigha kelgenlikini bildürdi.
eli yerlikaya térrorluq teshkilatlirigha qarshi élip bérilghan heriketler heqqide melumat bérip, bu yil 11 ay ichide élip bérilghan herikette 1069 térorchining bir terep qilinghanliqini bildürdi.
eli yerlikaya: «bir terep qilinghanlardin 7 nepiri qizil renglik, 1 nepiri kök renglik 2 nepiri yéshil renglik, 16 nepiri apélsin we 33 nepiri külreng tutush buyriqi tizimlkide orun alghan jemiy 59 neper atalmish yuqiri derijilik térorchi kattibnashliridur» dédi.