erdoghan ennehyan bilen téléfonlashti
dölitimiz (türkiye jumhuriyiti) jumhur reisi rejep tayyip erdoghan ereb birleshme xelipiliki emiri sheyx muhemmed bin zayid ennehyan bilen téléfonda körüshti.
türkiye awazi radiyosi xewiri: türkiye jumhuriyiti jumhur reislik mehkimisi uchur – alaqe ishliri idarisining bildürüshiche, jumhur reis rejep tayyip erdoghan bilen ereb birleshme xelipiliki emiri sheyx muhemmed bin zayid ennehyanning téléfon söhbitide, israiliyening ghezze rayonida dawamlashturuwatqan hujumliri, rayonda uzun muddetlik urush toxtitishni kapaletke ige qilish tirishchanliqliri, türkiyening pelestinliklerge insanperwerlik yardem buyumlirini yetküzüp bérish yolida ishlewatqan xizmetliri we tinchliq ornitish yolida tashliniwatqan qedemler heqqide muzakire élip bérilghan.
jumhur reis rejep tayyip erdoghan israiliyening ghezze rayonida dawamlashturuwatqan urushini derhal toxtitishini ishqa ashurushning zörürlüki, uzun muddetlik urush toxtitish üchün tashliniwatqan qedemlerni qetiy dawamlashturushning intayin muhimliqini éytqan. shundaqla, rayonda tinchliq ornitilishi üchün, islam hemkarliq teshkilati bilen ereb elliri ittipaqining birleshme bashliqlar yighinida chiqirilghan qararlarning qetiy ijra qilinishi, xelqara jemiyetning bir gewde halitide pelestinni qollash salmiqini ashurushi kéreklikini tekitligen.
مۇناسىۋەتلىك خەۋەرلەر
türkiye-girétsiye söhbet yighini istanbulda chaqirildi
türkiye-girétsiye «berpachi küntertip diyalogi»ning 6-qétimliq yighini istanbulda ötküzüldi.
