erdoghan bilen baydin téléfonda körüshti

türkiye awazi radiyosi xewiri: erdoghan bilen baydinning téléfon körüshüshide, isirailiyening ghezzeni öz ichige alghan barliq pelestin zéminlirigha qiliwatqan hujumliri, amérika-türkiye munasiwetliri, shiwétsiyening natogha eza bolush musapisi bilen dunya we rayon mesililiri muzakire qilindi.

rejep tayyip erdoghan ghezzede yüz bériwatqan tiragédiyelerni tézlikte axirlashturush kéreklikini, amérikaning isirailiye shertsiz qollishini üzüshining, urush toxtitishni téz sürette emelge ashuridighanliqini, hem dunya hemde amérika jamaetchilikining yéqinqi künlerde bu telepni téximu qattiq otturigha qoyuwatqanliqini, rayonda tézlikte uzun muddetlik urush toxtitishni kapaletke ige qilishning amérikaning tarixiy burchi ikenlikini éytti.

u yene, isirailiye hujumlirining kéngiyishi we uzirishining rayon we dunya xaraktérlik yaman aqiwetlerni peyda qilidighanliqini, türkiye teklip qilghan kapaletlik qilghuchi méxanizmning tesis qilinishi, bérilgen wedilerge emel qilinishi we 1967-yili békitilgen chégralar asasida musteqil, igilik hoquqigha we zémin pütünlükige ige, paytexti quddus bolghan pelestin dölitining qurulushining eng muwapliq shundaqla mesilining uzun muddetlik hel qilish charesi ikenlikini eskertti.

körüshüshte, türkiyeni «F-16» ayropilanliri bilen teminlesh mesilisimu muzakire qilindi.