türkiye karbon qoyup bérishni töwenlitishni pilanlimaqta

türkiye awazi radiyosi xewiri: türkiye énérgiye we tebiiy bayliqlar ministiri bayraqtar 2024-yildin 2030-yilghiche karbon qoyup bérishni 100 milyon tonna töwenlitishni nishan qiliwatqanliqlirini éytti.

ministir bayraqtar birleshken döletler teshkilati kilimat özgirishi ramka shertnamisining 28-nöwetlik yighini dairiside, dunya bankasi teripidin uyushturulghan «sap nöl qoyup bérishning yéngi nishani: türkiyeni quyash, shamal énérgiyesi we eqliy iqtidarliq éléktr torliri arqiliq tereqqiy qildurush» témisidiki sinliq ilmiy muhapime yighinigha widéyoluq bayanat ewetti.

bayraqtar bayanatida, türkiyening ikkinchi énérgiye ünümi heriket pilanini otturigha qoyup mundaq dédi:

«ikkinchi énérgiye ünümi heriket pilani dairiside, 2024-yildin 2030-yilghiche karbon qoyup bérishni 100 milyon tonna töwenlitishni nishan qiliwatimiz. derweqe, bu ulughwar nishangha yétish yolida éghir xirislargha duch kélidighanliqimiz hemmige ayan. emma, xelqara jemiyet, bolupmu pul-muamile apparatliri we meblegh salghuchilar bilen birlikte bu nishangha yétish imkaniyitimiz bar.»