«penje – qulup» herbiy herikiti  rayonida ikki térrorchi bir terep qilindi

türkiye awazi radiyosi xewiri: türkiye dölet mudapie ministirliqi teripidin élan qilinghan  bayanatta, türkiye armiyesining térrorchilarni tazilash paaliyetlirini keskin dawamlashturuwatqanliqi eskertilip mundaq déyildi: «iraqning shimalidiki <penje – qulup> herbiy herikiti rayonida éniqlap chiqilghan bölgünchi térrorluq teshkilati p k k ezasi ikki térrorchi bir terep qilindi. rayondiki herbiy heriketlirimiz taki eng axirqi térrorchi yoqitilghangha qeder qetiy irade bilen keskin dawamlishidu.»

süriyening shimalidiki «‹firat qalqini› herbiy herikiti» rayonida hujumgha ötüshke teyyar halette turuwatqan bölgünchi térrorluq teshkilati p k k/y p g ezasi  6 térrorchi bir terep qilindi.

türkiye jumhuriyiti dölet mudapie ministirliqi teripidin bu heqte élan qilinghan  bayanatta, mundaq déyildi:

«birdinbir nishani rayonni qangha boyash bolghan bölgünchi térrorluq teshkilati p k k/y p g ezasi térrorchilargha tégishlik jawab qayturushni dawamlashturuwatimiz. ‹firat qalqini› herbiy herikiti rayonida hujumgha ötüshke teyyar halette turuwatqan bölgünchi térrorluq teshkilati p k k/y p g ezasi 6 térrorchi bir terep qilindi. térrorchilar özliri kolighan xendeklerge kömülüshtin hergizmu qéchip qutulalmaydu.»

türkiye armiyesining iraqning shimalida élip barghan hawa hujumliri dawamidimu bölgünchi térrorluq teshkilati p k k ning kattibashlirinimu öz ichige alghan térrorchilar panahliniwatqan ghar, panah jay we oq-dora iskilatliri qatarliq 16 nishan yer bilen yeksan qiliwétildi.

türkiye dölet mudapie ministirliqi teripidin élan qilinghan  bayanatta, bölgünchi térrorluq teshkilati p k k/ k j k  we bashqa térrorluq unsurlirini bir terep qilip, iraqning shimalidin türkiye hem dölet xewpsizlik küchlirige qaritilghan térrorluq hujumlirigha taqabil turush, chégra bixeterlikige kapaletlik qilish üchün, birleshken döletler teshkilatining 51-maddisidiki qanunluq qoghdinish belgilimisige asasen hawa hujumliri élip bérilghanliqi bayan qilinip mundaq déyildi:

«2023-yili 12-ayning 1-küni saet 18.30 da iraqning shimalidiki gara, metina, haquruq we qendil rayonlirida turushluq térrorluq nishanlirigha qarshi hawa heriketliri élip bérildi. hawa heriketliri dawamida, bölgünchi térrorluq teshkilati p k k/k j k ning kattibashlirinimu öz ichige alghan térrorchilar panahliniwatqan ghar, panah jay we oq-dora iskilatliri qatarliq 16 nishan yer bilen yeksan qiliwétildi, köp sanda térrorchi bir terep qilindi. eziz xelqimizning  pidakar ewladliri bolghan qehriman qisimlirimiz,  ilgirikige oxshashla dölitimiz we xelqimizning mewjutluqi we bixeterlikini qoghdash üchün, taki eng axirqi térrorchi bir terep qilinghangha qeder térrorizmgha qarshi küreshni qetiy irade bilen keskin dawamlashturidu.»

«hawa heriketliri jeryanida bigunah puqralar, dost döletlerning qisimliri, tarixiy we medeniyet mirasliri hem muhitning ziyangha uchrimasliqi üchün barliq tedbirler qollinildi.»