türkiye b d t xewpsizlik kéngishining islahatini kéchiktürüshke bolmaydu

türkiye awazi radiyosi xewiri: türkiyening b d t da turushluq daimiy wekili sedat önal b d t omumiy kéngishining b d t xewpszlik kéngishini islah qilish yighnida söz qildi.

u türkiyening b d t omumiy kéngishide islahat üchün qurulghan birleshme guruppini qollaydighanliqini bildürdi.

u: «b d t xewpsizlik kéngishining islahatqa bolghan éhtiyajini inkar qilighili we kéchiktürgili bolmaydu» dédi.

u bolupmu, xewpsizlik kéngishining pelestin mesiliside tutqan pozitsiyesining buning ochuq ispati ikenlikidin bésharet bérip : «b d t xewpsizlik kéngishining qurulmisi palech bolup qalghanliqi sewebidin pelestinde urush toxtitishta muweppeqiyetsiz boldi we pelestin xelqining ornini toldurghili bolmaydighan azap-oqubetlirini tügitelmidi» dédi.

u keng dairilik we hemmini quchaqlaydighan bir musapining lazim ikenlikini eskertip, döletlerning öz menpeetini chiqish qilishning ornigha, ortaq yaxshiliqni aldinqi orungha qoyushning barliq ezalarning menpeetige paydiliq ikenlikini bildürdi.

u mundaq dédi:

«ret qilish hoquqi bolsun yaki bolmisun, daimiy ezaliq salahiyitining démokratiyege uyghun emeslikige, xewpsizlik kéngishining peqet yölinish we rayon xaraktérlik wekillik qilish pirinsipi asasida saylam arqiliq wezipige teyinlinidighan ezalar bilen kéngeytilishi kéreklikige ishinimiz. ret qilish qilish hoquqi emeldin qaldurulushi yaki bu hoquqtin paydilinishning chéki bolushi kérek. bu nuqtidin éytqanda, b d t omumiy kéngishi bilen xewpsizlik kéngishining otturisida hemkarliqni we kordinatsiyeni kücheytish kérek.»

u axirida, sözini mundaq axirlashturdi:

«türkiye b d t xewpsizlik kéngishini islah qilishning hel qilghuch ehmiyiti we zörürlüki sewebidin hökümetler ara muzakirelerge aktip qatnishidu. muresse bilen ortaq nuqtida uchrishish üchün hesse qoshidu.»