muawin jumhur reis jewdet yilmaz shimaliy qibris türk jumhuriyitide ziyarette boldi

türkiye awazi radiyosi xewiri: shimaliy qibris türk jumhuriyiti qurulghanliqining 40 yilliqi we 15-noyabir jumhuriyet bayrimi murasimigha ishtirak qilish üchün lefkoshagha barghan muawin jumhur reis yilmaz, shimaliy qibris türk jumhuriyiti jumhur reisi ersin tatar bilen jumhur reislik mehkimisi ishxansiida körüshti.

yilmaz ayrim uchrishish ötküzüshtin ilgiri bayanat bérip, qibris türk xelqining shimaliy qibris türk jumhuriyiti qurulghanliqining 40 yilliqini tebriklesh qizghinliqini chin qelbidin ortaqlishidighanliqini, özlirining qibris mesilisini milliy dewa dep qaraydighanliqlirini we bu sahediki özgirishlerni yéqindin közitiwatqanliqlirini eskertti.

u shimaliy qibris türk jumhuriyiti jumhur reisi ersin tatar otturigha qoyghan barawer igilik hoquq we xelqara salahiyetke ige ikki dölet qarishini küchlük qollaydighanliqini tekitlidi.

shimaliy qibris türk jumhuriyiti jumhur reisi ersin tatarmu shimaliy qibris türk jumhuriyitining ikki döletlik hel qilish tesewwurini boylap öz yolida méngiwatqanliqini tilgha élip, qibris mesilisini hel qilish üchün, qibris türk xelqining barawer igilik hoquq we xelqara salahiyitini qobul qilishning intayin muhimliqini tekitlidi.

u sözi jeryanida, qibrista ayrim-ayrim ikki xelq we ikki démokratik döletning barliqigha isharet qilip: «biz igilik hoquqning suslashturulushigha yol qoymaymiz. buning bashqa jaylargha sörep kétilishini hergiz testiqlimaymiz. biz türkiye bilen mas qedemde yolimizni dawam qilimiz» dédi.

arqidin shimaliy qibris türk jumhuriyiti jumhuriyet mejlisini ziyaret qilghan jewdet yilmaz, sherep zalida mejlis bashliqi töre bilenmu körüshti.

yilmaz jumhuriyet mejlisidin kéyin, shimaliy qibris türk jumhuriyiti bash ministiri ünal üstelni ziyaret qildi.