istanbulgha kelgen chet ellik sayahetchiler sani 13 milyondin ashti
istanbul bu yilning deslepki 9 éyida 13 milyon 156 ming 209 chet ellik ziyaretchini kütüwaldi.
türkiye awazi radiyosi xewiri: türkiye medeniyet we sayahet ministirliqi teripidin élan qilinghan yazma bayanatqa asaslanghanda, bu yil séntebir éyida istanbulgha kelgen chet ellik sayahetchiler sani 1 milyon 631 mingdin ashqan, shuning bilen, bu yil 9 – ayda istanbulgha kelgen chet ellik sayahetchilerning sani aldinqi yilning oxshash éyigha sélishturghanda ٪1.55 ashqan.
séntebir éyida istanbulni eng köp ziyaretke kelgen chet ellik sayahetchiler ret tertipide, 168 ming 925 kishi bilen rusiye birinchi bolghan.
rusiyedin qalsa, gérmaniye 119 ming 681 kishi bilen ikkinchi, iran 111 ming 688 adem kishi üchinchi, amérika qoshma ishtatliri 87 ming 670 kishi bilen tötinchi, 64 ming 980 kishi bilen engiliye beshinchi, 46 ming 547 kishi bilen firansiyede altinchi bolghan.
ereb döletliri ichide 9 – ayda istanbulgha kelgen chet ellik sayahetchiler ret tertipide iraq birinchi, seudi erebistani ikkinchi, aljiriye üchinchi, marakesh tötinchi, iyordaniye beshinchi, misir altinchi, liwiye yettinchi, kuweyt sekkizinchi bolghan.
bu yilning deslepki 9 éyida istanbulgha kelgen chet ellik sayahetler sani 13 milyon 156 ming 209 gha yetken.
