erdoghan ammini bügünki «pelestin chong yighilishi»gha ishtirak qilishqa chaqirdi
jumhur reis rejep tayyip erdoghan ammini pelestin chong yighilishigha ishtirak qilishqa chaqirdi.
türkiye awazi radiyosi xewiri: jumhur reis erdoghan ijtimaiy taratqudiki adrésida uchur hembehrilep, ammini pelestin chong yighilishigha aktip ishtirak qilishqa chaqirdi.
erdoghan uchurida: «ghezzege qarshi künséri éghirlishiwatqan we tünügün kéche salmiqi ashqan israiliye bombardimanliri yene ayallar, balilar we bigunah puqralarni zerbe obyékti qildi, insaniy kirizis chongqurlashti. israiliye derhal bu telwilikidin qaytip, hujumlirini toxtitishi kérek. barliq qérindashlirimni bügün israiliye zulumigha qarshi pelestinlik qérindashlirimizning yénida turidighanliqimizni namayan qilidighan pelestin chong yighilishigha, istanbul atatürk ayrodurumigha teklip qilimen» dégen ibarilerge orun berdi.
uchurida türkiye we pelestin bayraqlirining simwollirighimu orun bergen jumhur reis erdoghan, uchuri bilen birlikte mesjidi eqsaning süritinimu hembehrilidi.
