erdoghan nato bash katipi stolténbérg bilen téléfonda körüshti
jumhur reis rejep tayyip erdoghan shimaliy atlantik ehdi teshkilatining bash katipi jéns stolténbérg bilen téléfonda körüshti.
türkiye awazi radyosi xewiri: jumhur reislik uchur - alaqe idarisining bayanatigha asaslanghanda, söhbette ghezzening eng yéngi weziyiti, kishilik hoquq depsendichilikining aldini élish üchün qilishqa tégishlik ishlar we bigunah puqralargha insanperwerlik yardemlirining üzüldürmey yetküzülüshi qatarliq témilar muzakire qilinghan.
jumhur reis erdoghan söhbet jeryanida gherb döletlirining pozitsiyesining ghezzediki kishilik hoquq depsendichilikini téximu kücheytiwetkenlikini tekitligen.
erdoghan israiliyeni tosush üchün her qaysi döletlerning tirishchanliq körsetmeslikining eslige keltürgili bolmaydighan aqiwetlerni keltürüp chiqiridighanliqini tekitliep, gherb we dunya jamaetchilikining köz aldidila yüz bergen we sel qariliwatqan insanperwerlik pajiesini axirlashturush üchün tézraq heriketke ötüsh kéreklikini otturigha qoyghan.
