türkiye israiliyening doxturxana bombardiman qilishini eyiblidi
türkiye israiliyening ghezzediki elehli babtist doxturxanisigha qilghan hujumigha wehshiylerche dep baha berdi we uni eng küchlük shekilde eyiblidi.
türkiye awazi radiyosi xewiri: türkiye jumhuriyiti tashqi ishlar ministirliqi israiliyening ghezzediki doxturxanigha qilghan hujumi toghrisida yazma bayanat élan qildi.
türkiyening ghezzediki bir doxturxanining hujumgha uchrishi netijiside yüzligen pelestinlikning jéndin ayrilghanliqi we nurghun kishining yarilanghanliqidin qattiq ghezeplengenliki bildürülgen bayanatta: «biz bu wehshiylerche hujumlarni eyibleymiz. hujumlarda jénidin ayrilghan pelestinlik qérindashlirimizgha rehim- shepqet, yarilanghanlargha téz shipaliqlar tileymiz. biwasite halda puqralarni hujum nishani qilghan, doxturxanilar we mekteplerge hujum qilidighan bu rohiy haletning qanun hemde wijdan aldida jawabkarliqqa tartilishi muqerrer» dégenlerni qeyt qildi.
israiliyening ghezzediki elehli babtist doxturxanisini bombardiman qilishi netijiside, deslepki melumatlargha qarighanda, köp sanliqi bowaqlar, balilar we ayallar bolup, 500 din artuq adem qaza qildi.
pelestin prézidénti mehmud abbas weqedin kéyin üch künlük matem élan qildi.
