enqere liwandiki türkiye puqralirini agahlandurdi

türkiye awazi radiyosi xewiri: türkiye tashqi ishlar ministirliqi ammiwi ortaqlishish tor béti X sehipiside, liwandiki türkiye puqralirini agahlandurup bayanat élan qildi.

ministirliqning agahlandurushida, israiliye we pelestindiki yéqinqi özgirishlerning liwanning jenubidiki rayonlarghimu tesir körsitiwatqanliqi, shunga türkiye puqralirigha éhtiyatchan bolushi, imkaniyetning bariche «litani deryasi» ning jenubidiki rayonlardin yiraq turushi tewsiye qilinip mundaq déyildi:

 «liwandiki puqralirimizning éhtiyatchan bolushi, imkaniyetning bariche <litani deryasi> ning jenubidiki rayonlardin yiraq turushini tewsiye qilimiz. eng yaxshisi, liwandiki puqralirimiz özgirishlerdin ministirliqimizning, béyrut elchixanimizning resmiy tor béketliri we ammiwi ortaqlishish tor betliridiki sehipiliride élan qilinghan uqturushlardin xewerdarbolup turushi kérek.»

«puqralirimizning jiddiy ehwallarda béyrut elchixanimiz we konsulxana ishliri chaqiriq merkizimizning téléfon nomurliri arqiliq alaqilishishini soraymiz.

béyrut elchixanimizning alaqilishish téléfon nomuri: +961 70 622 012/+961 3 944 904

 konsulxana ishliri chaqiriq merkizimizning téléfon nomuri: +90 312 292 29 29»

hamasning herbiy qaniti bolghan qassam birigadiliri shenbe (7-öktebir) küni israiliyege «eqsa topani» namliq keng kölemlik hujum qozghighanliqlirini élan qilghanidi. ghezzedin israiliyege minglighan rakétamiyot étilghan, qoralliq guruppilarmu rayondiki olturaq rayonlargha kirgenidi.

israiliye armiyesi bolsa, urush ayropilanliri bilen ghezze shehirige «tömür qilich herikiti» qozghighanliqlirini bildürgenidi.

igilinishiche, barghanséri keskinlishiwatqan toqunushlarda, her ikki tereptin yüzligen kishi jénidin ayrilghan.