milliy istixbarat idarisi p k k gha ejellik zerbe berdi
türkiye milliy istixbarat idarisi süriyede élip barghan zerbe bérish herikiti dawamida, bölgünchi térrorluq teshkilati p k k/y p g gha ait qoral – yaragh, oq - dora iskilatliri, térrorluq hujumi we buzghunchiliq etretliri jaylashqan binalarni weyran qildi.
türkiye awazi radiyosi xewiri: dölet xewpsizlik menbelirining bildürüshiche, türkiye milliy istixbarat idarisi bölgünchi térrorluq teshkilati p k k/y p g ning yekshenbe küni (2023-yili 1-öktebir) paytext enqerediki ichki ishlar ministirliqigha qilghan hujumining süriyede pilanlanghanliqi we heriketke qatnashqan térrorchilarning bu rayondin türkiyege ötkenliki éniqlap chiqilghandin kéyin, térrorluq teshkilatining süriyediki muesseselirige shundaqla kattibashlirigha qarshi zerbe bérish herikiti élip barghan.
rayonda axbarat paaliyetliridin kéyin qoralliq uchquchisiz hawa apparatlirining wasitisi arqiliq élip bérilghan zerbe bérish herikiti netijiside, bölgünchi térrorluq teshkilati p k k/y p g gha ait qoral – yaragh, oq - dora iskilatliri, térrorluq hujumi we buzghunchiliq etretliri jaylashqan binalarni yer bilen yeksan qiliwétilgen.
bu jeryanda, türkiye dölet mudapie ministirliqining ammiwi ortaqlishish tor bétidiki sehipiside bu heqte élan qilinghan bayanatida, mundaq déyilgen:
«bölgünchi térrorluq teshkilati p k k/k j k we bashqa térrorchilarni yoqitip, iraqning shimalidin türkiye xelqige, dölet xewpsizlik küchlirige qaritilghan térrorluq hujumlirini bir terep qilish, chégra bixeterlikige kapaletlik qilish üchün, birleshken döletler teshkilatining 51-maddisidiki özini qoghdash hoquqigha asasen, süriyening shimalidiki telrifet, jizre we derik rayonliridiki térrorluq nishanlirigha qarshi, 5 – öktebir küni (2023) enqere waqti saet 23.00 te hawa heriketliri élip bérildi.»
«hawa heriketliri dawamida, bölgünchi térrorluq teshkilati p k k/k j k térrorchiliri paydiliniwatqan néfit quduqliri, néfit iskilatliri, ichide térrorchilarning kattibashlirimu bar bolghan ghar, panah jay we qoral - yaragh iskilatliridin teshkil tapqan 30 nishan yer bilen yeksan qiliwétildi, oq – dorilar weyran qilindi, nurghun térrorchilar bir terep qilindi.»
«eziz xelqimizning baghrida ösüp yétilgen qehriman qisimlirimiz ilgirikige oxshashla bügünki kündimu dölitimizning, xelqimizning mewjutluqi we bixeterliki üchün qetiy irade bilen keskin küresh qilmaqta, buningdin kéyinmu taki eng axirqi térrorchi yoqitilghangha qeder üzlüksiz küresh qilidu. hawa heriketliri dawamida türlük tedbirler yolgha qoyulup, bigunah puqralar, dost qoralliq qisimliri, medeniyet – senet yadikarliqliri we muhitning ziyangha uchrishining aldi élindi.»
مۇناسىۋەتلىك خەۋەرلەر
türkiye-girétsiye söhbet yighini istanbulda chaqirildi
türkiye-girétsiye «berpachi küntertip diyalogi»ning 6-qétimliq yighini istanbulda ötküzüldi.
