iraqning shimalida térrorchilargha ejellik zerbe bérildi
iraqning shimalidiki metina, xaqurq, gara, qendil we asos rayonliridiki térrorluq nishanlirigha qarshi élip bérilghan hawa heriketliride 22 nishan weyran qilindi, nurghun térrorchilar bir terep qilindi.
türkiye awazi radiyosi xewiri: türkiye dölet mudapie ministirliqining ammiwi ortaqlishish tor bétidiki sehipiside bu heqte élan qilinghan bayanatida, mundaq déyildi:
«bölgünchi térrorluq teshkilati p k k/k j k we bashqa térrorchilarni yoqitip, iraqning shimalidin türkiye xelqige, dölet xewpsizlik küchlirige qaritilghan térrorluq hujumlirini bir terep qilish, chégra bixeterlikige kapaletlik qilish üchün, birleshken döletler teshkilatining 51-maddisidiki özini qoghdash hoquqigha asasen, iraqning shimalidiki metina, xaqurq, gara, qendil we asos rayonliridiki térrorluq nishanlirigha enqere waqti saet 19.00 da hawa heriketliri élip bérildi.»
«hawa heriketliri dawamida, bölgünchi térrorluq teshkilati p k k/k j k térrorchiliri paydiliniwatqan, ichide térrorchilarning kattibashlirimu bar bolghan ghar, panah jay we qoral - yaragh iskilatliridin teshkil tapqan 22 nishan yer bilen yeksan qiliwétildi, oq – dorilar weyran qilindi, nurghun térrorchilar bir terep qilindi.»
«eziz xelqimizning baghrida ösüp yétilgen qehriman qisimlirimiz ilgirikige oxshashla bügünki kündimu dölitimizning, xelqimizning mewjutluqi we bixeterliki üchün qetiy irade bilen keskin küresh qilmaqta, buningdin kéyinmu taki eng axirqi térrorchi yoqitilghangha qeder üzlüksiz küresh qilidu. hawa heriketliri dawamida türlük tedbirler qollinilip, mesum puqralar, dostane dölet iraqning qoralliq qisimliri, medeniyet – senet yadikarliqliri we muhitning ziyangha uchrishining aldi élindi.»
مۇناسىۋەتلىك خەۋەرلەر
türkiye-girétsiye söhbet yighini istanbulda chaqirildi
türkiye-girétsiye «berpachi küntertip diyalogi»ning 6-qétimliq yighini istanbulda ötküzüldi.
