türkiyening yawropa chégra éghizlirida yoluchilar rékorti yaritildi
türkiyening yawropagha baridighan chégra éghizlirida yoluchilarning kirish-chiqish rékorti yaritildi.
türkiye awazi radyosi xewiri: her qaysi yawropa döletlerde turushluq muhajirlarning köpinchisi türkiyediki yazliq tetillirini axirlashturup turushluq döletlerge qaytti.
muhajirlar iyun éyida mekteplerning tetil qilishi bilen birge türkiyege kirip-chiqishta edirne we qiriqlaréli chégra éghizlirini ishletti.
bulghariyege échiwétilgen kapkule chégra éghizi eng köp yaqturulghan chégra éghizlirining aldinqi qataridin orun aldi.
chégra éghizliridiki zichliq sanliq melumatlarda eks etti.
buninggha asaslanghanda, bu yil 22- iyundin 10-sintebirgiche bolghan ariliqta, yéqinqi 5 yildin buyanqi eng zich yoluchilar kirish-chiqish sani ishqa ashqan.
bu yil 27-iyundin 15-sintebirgiche 646 ming 896 aptomobil bilen 2 milyon 628 ming 291 yoluchi türkiyege kirgen, 619 ming 499 aptomobil bilen 2 milyon 550 ming 161 yoluchi türkiyedin ayrilghan.
