erdoghan türkiyening pat yéqinda mudapie sistémilirini satidighan döletke aylinidighanliqini éytti

türkiye awazi radiyosi xewiri: jumhur reis erdoghan quruqluq armiye herbiy mektipide ötküzülgen dölet mudapie uniwérsitéti quruqluq armiye akadémyesi diplom élish we bayraq ötküzüp bérish murasimida söz qildi.

esirler boyi üch qite, yette iqlimda tinchliq we xatirjemlik berpa qilghan ejdadlirimiz bizge qaldurup ketken tengdashsiz miraslarni kéngeytishke bel baghlighanliqini tilgha alghan erdoghan: «türk dunyasi bilen bolghan hemkarliqimizni ilgiri sürgen chéghimizda, afriqadiki qérindashlirimizgha arqimizni qiliwalmaymiz. yawropa we asiya bilen bolghan munasiwitimizni téximu tereqqiy qildurushqa tirishiwatimiz. dostlirimizni köpeytip, düshmenlirimizning sanini azaytish üchün pütün küchimiz bilen tirishiwatimiz» dédi.

yaltaytish küchi yuqiri, küchlük we zamaniwi armiyege ige bolushning neqeder muhimliqini nöwette hemmining qobul qilidighanliqini bildürgen erdoghan: «biz milliy jeng ayropilani — qaanning 2023- yili axirlashmay turup perwaz qilghanliqini körimiz. <siper> (hawa mudapie sistémisi) ning tunji qétimliq oq chiqirishini muweppeqiyetlik sinaq qilduq. inshaallah, pat yéqinda tutruqsiz bahanilerni körsitip, türkiyege hawa mudapie sistémilirini sétip bermigen döletlerge, u sistémini satidighan derijige yétimiz» dégenlerni qeyt qildi.