erdoghan: biz anadolugha malazgirt urushidin xéli burunla qedem basqan iduq
dölitimiz (türkiye jumhuriyiti) jumhur reisi rejep tayyip erdoghan türklerning anadolugha malazgirt urushidin xéli burunla qedem basqanliqini éytti.
türkiye awazi radiyosi xewiri: jumhur reis rejep tayyip erdoghan mushta ötküzülgen malazgirt zepirining 952 – yilliqini tebriklesh murasimida qilghan sözide mundaq dédi: «anadoluni bizge wetinimiz qilip bergen barliq qehrimanlirimiz, shéhitlirimiz, ghazilirimiz we qelb sultanlirimizni cheksiz iptixarliq hem minnetdarliq tuyghusi ichide menggü yad étimen.»
«sultan alparslan we uning qoshunidiki her bir esker bizge amanet qoyup ketken bu zéminni axirqi bir tamche qénimiz qalghuche qoghdash iradimizning qetiylikini bu yerdin yene bir qétim pütkül jahangha jakarlaymiz. malazgirt urushining adettiki bir urush, adettiki bir zeper emeslikidin ibaret ölmes heqiqetni hergiz untup qalmasliqimiz kérek.»
erdoghan sözini mundq dawamlashturdi:
«biz anadolugha malazgirt urushi arqiliq qedem basmiduq. biz bu yerge xéli burunla kelgen iduq. malazgirt urushi anadoludiki siyasiy igilik hoquqimizning derwazilirini bizge échip berdi. bu yerde qolgha keltürülgen mislisiz zeper aldi bilen anadolu selchuqiylar dölitini qurush arqiliq ehli selip qoshunlirigha mislisiz qaqshatquch zerbe bérishte muhim rol oynidi.»
«shuningdin kéyin oxshash étiqad bilen bayriqini lepildetken osmanli impériyesining muweppeqiyetlik küreshliri netijiside balqan rayoni we istanbul pethi qilindi. bashqiche éytqanda, malazgirt iznikningmu, konyaningmu, bursaningmu, edirneningmu, istanbulningmu chong akisidur. bizni awstriyening paytexti wéna derwazilirining aldigha élip barghab zenjirsiman zeperlerning bashlinish nuqtisimu del mushu yerdur.»
مۇناسىۋەتلىك خەۋەرلەر
türkiye-girétsiye söhbet yighini istanbulda chaqirildi
türkiye-girétsiye «berpachi küntertip diyalogi»ning 6-qétimliq yighini istanbulda ötküzüldi.
